ନବସେତୁ ନ୍ୟୁଜ୍ | ବଲାଙ୍ଗୀର
ବଲାଙ୍ଗୀର, ତା ୧୦/୧୦/୨୦୨୬ – ଆଜି ବଲାଙ୍ଗୀର ଜିଲ୍ଲା ସାମ୍ବାଦିକ ଭବନ ଠାରେ ମୂଲନିବାସୀ ଛାତ୍ର ଓ ଯୁବ ସାମୁଖ୍ୟ, ଓଡିଶା ଆନୁକୂଲ୍ୟରେ ଏକ ଭବ୍ୟ ଶ୍ରଦ୍ଧାଞ୍ଜଳି ସଭା ଏବଂ ପାଠକାର୍ପଣ ସମାରୋହ ଅନୁଷ୍ଠିତ ହୋଇଯାଇଛି।
ଏହି ଅବସରରେ ବିଶିଷ୍ଟ ଲେଖକ ଡଃ. ରଞ୍ଜନ ମହାନନ୍ଦ ଏବଂ ବହୁଜନ ନାୟକ ମାନ୍ୟବର କାଂଶୀରାମ ସାହେବଙ୍କ ମହାପରିନିର୍ବାଣ ଦିବସ ପାଳନ କରାଯାଇଥିଲା।
ପୁସ୍ତକ ପାଠକାର୍ପଣ :
ସମାରୋହର ମୁଖ୍ୟ ଆକର୍ଷଣ ଥିଲା – ଜ୍ୟୋତିବା ଫୁଲେଙ୍କ କାଳଜୟୀ ଗ୍ରନ୍ଥ “ଗୋଲାମଗିରି” ଏବଂ “ବୁଦ୍ଧ ଏବଂ କାର୍ଲ ମାର୍କସ” ପୁସ୍ତକର ଓଡ଼ିଆ ଅନୁବାଦର ପାଠକାର୍ପଣ। ଏହି ପୁସ୍ତକର ଓଡିଆ ଅନୁବାଦକ ଶ୍ରୀ ଅଭିରାମ ମଲ୍ଲିକ ନିଜ ଅନୁଭୂତି ବାଣ୍ଟିଥିଲେ।
ସମ୍ମାନିତ ଅତିଥି :
ଏହି ସଭାରେ ସମ୍ମାନିତ ଅତିଥି ଭାବେ ଶ୍ରୀ ଗୌତମ ଖେତୀ, ପ୍ରାକ୍ତନ ଡିଆରସିଏସ ଶ୍ରୀ ମନ୍ମଥ ନାଥ ଦାସ, ଶ୍ରୀ ପୂର୍ଣ୍ଣଚନ୍ଦ୍ର ବିଶ୍ୱାଳ, ଶ୍ରୀ ଦିନେଶ ନାଗ, ଶ୍ରୀ ନବୀନ ବିଶ୍ୱବନ୍ଧୁ ପ୍ରମୁଖ ମଞ୍ଚାସୀନ ଥିଲେ।
ବକ୍ତାମାନେ ଡଃ. ରଞ୍ଜନ ମହାନନ୍ଦଙ୍କ ସାହିତ୍ୟ ସାଧନା ଓ ମାନ୍ୟବର କାଂଶୀରାମଙ୍କ ବହୁଜନ ଆନ୍ଦୋଳନର ଅବଦାନ ଉପରେ ଆଲୋକପାତ କରିଥିଲେ। ଗୋଲାମଗିରି ପୁସ୍ତକ ଆଜିର ଯୁବପିଢୀ ପାଇଁ କିପରି ପ୍ରାସଙ୍ଗିକ ତାହା ଉପରେ ଆଲୋଚନା କରାଯାଇଥିଲା।
ଶେଷରେ ଡଃ. ବାବାସାହେବ ଆମ୍ବେଦକର, ଗୌତମ ବୁଦ୍ଧ, ଡଃ. ରଞ୍ଜନ ମହାନନ୍ଦ ଏବଂ ମାନ୍ୟବର କାଂଶୀରାମ ସାହେବଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ମହମବତୀ ପ୍ରଜ୍ଜ୍ୱଳନ କରି ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା।
ଏହି କାର୍ଯ୍ୟକ୍ରମରେ ଜିଲ୍ଲାର ବହୁ ମୂଲନିବାସୀ ଛାତ୍ର, ଯୁବକ, ବୁଦ୍ଧିଜୀବୀ ଓ ସାମାଜିକ କର୍ମୀ ଉପସ୍ଥିତ ଥିଲେ।
ରିପୋର୍ଟ – ନବସେତୁ ନ୍ୟୁଜ୍ ଡେସ୍କ, ବଲାଙ୍ଗୀର