ଶିକ୍ଷା ବ୍ୟବସ୍ଥାରେ ବଡ଼ ପରିବର୍ତ୍ତନ, UGC ଆଣିଲା ନୂଆ ଗାଇଡ୍‌ଲାଇନ୍_ରିପୋର୍ଟ:

NABASETU | 05 Jul 2026

ଦେଶର ଉଚ୍ଚଶିକ୍ଷାକୁ ଅଧିକ ସମାବେଶୀ ଏବଂ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ପାଇଁ ସୁଗମ କରିବା ଦିଗରେ UGC ଏକ ଐତିହାସିକ ପଦକ୍ଷେପ ନେଇଛି। ଦିବ୍ୟାଙ୍ଗ, ଅଟିଜିମ୍ ଏବଂ ବିଭିନ୍ନ ଶିକ୍ଷଣ ସମସ୍ୟାରେ ପୀଡ଼ିତ ଛାତ୍ରଛାତ୍ରୀଙ୍କ ପାଇଁ ସମସ୍ତ କଲେଜ ଓ ବିଶ୍ୱବିଦ୍ୟାଳୟରେ ସ୍ୱତନ୍ତ୍ର ସୁବିଧା ଯୋଗାଇବାକୁ UGC ନୂଆ ଗାଇଡ୍‌ଲାଇନ୍ ଜାରି କରିଛି।

ନୂଆ ଗାଇଡ୍‌ଲାଇନ୍‌ର ମୁଖ୍ୟ ବିଷୟ:

1. ପାଠପଢ଼ାରେ ସ୍ୱତନ୍ତ୍ର ସୁବିଧା

• ଛାତ୍ରଛାତ୍ରୀଙ୍କ ଆବଶ୍ୟକତା ଅନୁଯାୟୀ ସ୍ୱତନ୍ତ୍ର ଟାସ୍କ, ଲେଖିବା ପାଇଁ ସହାୟକ ଉପକରଣ, ଫ୍ଲେକ୍ସିବଲ୍ ଆସାଇନମେଣ୍ଟ ଏବଂ ପାଠ ମଝିରେ ବ୍ରେକ୍‌ର ବ୍ୟବସ୍ଥା।
• କଲେଜ ଆସି ପାରୁନଥିବା ଛାତ୍ରଛାତ୍ରୀଙ୍କ ପାଇଁ E-Learning ଓ ଦୂର ନିରନ୍ତର ଶିକ୍ଷା ମାଧ୍ୟମରେ ଘରୁ ପଢ଼ିବା ସୁବିଧା।

2. କ୍ୟାରିୟର ଓ ଆର୍ଥିକ ସହାୟତା

• ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ପାଇଁ ସ୍ୱତନ୍ତ୍ର କ୍ୟାରିୟର କାଉନସେଲିଂ ଓ ପ୍ଲେସମେଣ୍ଟ ସପୋର୍ଟ।
• କେନ୍ଦ୍ର ଓ ରାଜ୍ୟ ସରକାରଙ୍କ ସମସ୍ତ ସ୍କଲାରସିପ୍ ଓ ଆର୍ଥିକ ରିହାତି ସୁନିଶ୍ଚିତ କରାଯିବ।

3. ସଚେତନତା ଓ ତାଲିମ୍

• ଅଧ୍ୟାପକ ଓ କର୍ମଚାରୀଙ୍କ ପାଇଁ ଓରିଏଣ୍ଟେସନ ପ୍ରୋଗ୍ରାମ।
• ସାଧାରଣ ଛାତ୍ରଛାତ୍ରୀଙ୍କ ମନୋଭାବରେ ସୁଧାର ଆଣିବାକୁ ଭିଡିଓ ଭିତ୍ତିକ ସଚେତନତା କାର୍ଯ୍ୟକ୍ରମ।

ବିଭିନ୍ନ ଦିବ୍ୟାଙ୍ଗତା ପାଇଁ ସ୍ୱତନ୍ତ୍ର ସହାୟତା:
ଶ୍ରେଣୀ ସୁବିଧା
ଶାରୀରିକ ଅକ୍ଷମତା ବସିବା, ଚଳପ୍ରଚଳ, ବହି ଓଲଟାଇବା, ଟାଇପିଂ ଓ ଲେଖିବାରେ ସହାୟତା। ଶ୍ରେଣୀରେ ପ୍ରାଥମିକତା ସିଟ୍।
ଏସିଡ୍ ଆକ୍ରମଣ ଶିକାର କଥାବାର୍ତ୍ତା, ଦୃଷ୍ଟିଶକ୍ତି, ହାତ ଚାଳନାରେ ସହାୟତା + ICT ବ୍ୟବହାରେ ସାହାଯ୍ୟ।
ସେରିବ୍ରାଲ୍ ପାଲ୍ସି ଭାରସାମ୍ୟ ରକ୍ଷା ପାଇଁ ସ୍ୱତନ୍ତ୍ର ଫର୍ଣ୍ଣିଚର, ଦୈନ୍ଦିନ ଆତ୍ମ-ଯତ୍ନ ଓ ଯୋଗାଯୋଗରେ ସହାୟତା।
କୁଷ୍ଠମୁକ୍ତ ଓ ବାମନତା ଲେଖିବା, ଟାଇପିଂ, ଉଚ୍ଚତା, ଶ୍ରବଣ/ଦୃଷ୍ଟି ସମସ୍ୟା ପାଇଁ ସ୍ୱତନ୍ତ୍ର ସିଟିଂ ଓ ଭିତ୍ତିଭୂମି ସହାୟତା।
ମସ୍କୁଲାର୍ ଡିଷ୍ଟ୍ରୋଫି ବସିବା, ସ୍ଥାନାନ୍ତର ଓ ଯୋଗାଯୋଗର ସୀମିତା ଦୂର କରିବାରେ କଲେଜର ସହାୟତା।
ବିଶେଷଜ୍ଞଙ୍କ ମତ
UGC ର ଏହି ପଦକ୍ଷେପକୁ ଶିକ୍ଷା କ୍ଷେତ୍ରରେ ଏକ ବଡ଼ ସଂସ୍କାର ଭାବେ ଦେଖାଯାଉଛି। ଏହା ଦ୍ୱାରା କୌଣସି ବି ଦିବ୍ୟାଙ୍ଗ ଛାତ୍ରଛାତ୍ରୀ ଉଚ୍ଚଶିକ୍ଷାରୁ ବଞ୍ଚିତ ହେବେ ନାହିଁ ଏବଂ ସମାନ ସୁଯୋଗ ପାଇପାରିବେ।

ବିଶ୍ୱବିଦ୍ୟାଳୟ ଓ କଲେଜଗୁଡ଼ିକୁ ଏହି ଗାଇଡ୍‌ଲାଇନ୍ ତୁରନ୍ତ କାର୍ଯ୍ୟକାରୀ କରିବାକୁ UGC ନିର୍ଦ୍ଦେଶ ଦେଇଛି।

---