୧. ପୁରୀ-କୋରାପୁଟ ଏକ୍ସପ୍ରେସ୍ ଶୁଭାରମ୍ଭ
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଆଜି ପୁରୀ-କୋରାପୁଟ ଏକ୍ସପ୍ରେସ୍କୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି। ସପ୍ତାହକୁ ୩ ଦିନ ଚଳାଚଳ କରିବା ସହ ଏହି ଟ୍ରେନ୍ ଉପକୂଳ ଓଡ଼ିଶାକୁ ପଶ୍ଚିମ ଓ ଦକ୍ଷିଣ ଓଡ଼ିଶା ସହ ଯୋଡିବ। ପୁରୀ, ଭୁବନେଶ୍ୱର, ସମ୍ବଲପୁର, ଟିଟିଲାଗଡ଼ ଦେଇ ଯିବ।
୨. ବ୍ରହ୍ମପୁର-ସୁରଟ ଅମୃତ ଭାରତ ଏକ୍ସପ୍ରେସ୍ ଦୈନିକ ହେଲା
ବ୍ରହ୍ମପୁରରୁ ଗୁଜରାଟର ସୁରଟ ପର୍ଯ୍ୟନ୍ତ ଅମୃତ ଭାରତ ଏକ୍ସପ୍ରେସ୍ ଆଜିଠାରୁ ଦୈନିକ ଚଳାଚଳ କରିବ। ରେଳମନ୍ତ୍ରୀ କହିଲେ ଏହା ଦ୍ୱାରା ଗୁଜରାଟ ସହ ଓଡ଼ିଶାର ସାଂସ୍କୃତିକ ସମ୍ପର୍କ ଆହୁରି ଦୃଢ ହେବ। ବ୍ରହ୍ମପୁର ଷ୍ଟେସନକୁ ୩୦ କୋଟି ଟଙ୍କାରେ ବିଶ୍ୱସ୍ତରୀୟ କରାଯିବ।
୩. ହୀରାକୁଦରୁ ୯ ତାରିଖରେ ପ୍ରଥମ ଜଳ ନିଷ୍କାସନ
ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ହୀରାକୁଦରେ ପାଣି ଆସୁଛି। ଜଳସ୍ତର ନିୟନ୍ତ୍ରଣ ପାଇଁ ୯ ତାରିଖରୁ ପ୍ରଥମ ନିଷ୍କାସନ ହେବ। ଏବେ ପ୍ରତି ସେକେଣ୍ଡରେ ୯୩ ହଜାର କ୍ୟୁସେକ୍ ପାଣି ଆସୁଛି। ବୈତରଣୀ ତଳମୁଣ୍ଡରେ ବନ୍ୟା ଆଶଙ୍କାକୁ ନେଇ ରାଜସ୍ୱ ମନ୍ତ୍ରୀ ସମୀକ୍ଷା କଲେ।
୪. ଶିଶୁ ବାଟିକା ପାଇଁ ୭୨୩୪ ଶିକ୍ଷକ ନିଯୁକ୍ତି
ରାଜ୍ୟର ୪୫ ହଜାର ସ୍କୁଲରେ ଶିଶୁ ବାଟିକା ଶ୍ରେଣୀ ପାଇଁ ସରକାର ୭୨୩୪ ଜଣ ଶିକ୍ଷକ ନିଯୁକ୍ତି ଦେବେ। ପ୍ରତି ଶିକ୍ଷକଙ୍କୁ ମାସିକ ୨୬,୨୦ ଟଙ୍କା ଦରମା ମିଳିବ। ଏଥିପାଇଁ ବାର୍ଷିକ ୨୭ କୋଟି ଟଙ୍କା ଖର୍ଚ୍ଚ ହେବ।
୫. ପାଠ୍ୟପୁସ୍ତକରେ ତ୍ରୁଟି: ଓଡ଼ିଶାର ସଂସ୍କୃତି ବିକୃତ
ତୃତୀୟ ଶ୍ରେଣୀ “ସାହିତ୍ୟ ସୁଧା” ବହିରେ ମୟୂରଭଞ୍ଜ ଛଉ ବିଷୟରେ ଲେଖା ଥିବାବେଳେ ପୁରୁଲିଆ ଛଉ ଫଟୋ ଦିଆଯାଇଛି। ସେହିପରି “ଗଣିତ ମେଳା”ରେ ସୁରଜକୁଣ୍ଡ ମେଳା ଫଟୋ ଦିଆଯାଇଛି। ଏନ୍ସିଇଆରଟି ବହିରୁ ସିଧା କପି ହୋଇଥିବାରୁ ଶିକ୍ଷକମାନେ ଅସନ୍ତୋଷ ପ୍ରକାଶ କରିଛନ୍ତି।
୬. ଅନ୍ୟାନ୍ୟ ଖବର
- ପାଲଲହଡ଼ା: ପରିତ୍ୟକ୍ତ ଛେଳିଗୁହାଳରୁ ୨ ଯୁବକଙ୍କ ସନ୍ଦେହଜନକ ମୃତଦେହ ଉଦ୍ଧାର। ମୃତ୍ୟୁର କାରଣ ଅସ୍ପଷ୍ଟ।
- ପଦ୍ମପୁର: ନାବାଳିକାକୁ ହତ୍ୟା କରିବା ଅଭିଯୋଗରେ ୩ ସନ୍ତାନର ବାପା ଗିରଫ।
- ଗ୍ରାମୀଣ ପଲାୟନ: ରୋଜଗାର ପାଇଁ ଗାଁ ଛାଡି ସହର ମୁହାଁ ହେଉଛନ୍ତି ଲୋକ। ଦେଶରେ ପ୍ରତି ଘଣ୍ଟାରେ ଗୋଟିଏ ଗାଁ ଖାଲି ହେଉଛି।
*#ନବସେତୁନ୍ୟୁଜ୍ ,ଓଡିଶାଖବର ।