ନବସେତୁ ନ୍ୟୁଜ
ବଲାଙ୍ଗିର, 03.08.2026: ବଲାଙ୍ଗିର ଜିଲ୍ଲାର ଝାଙ୍କରପାଲି ପଞ୍ଚାୟତ କାର୍ଯ୍ୟାଳୟରେ ସମ୍ବିଧାନ ନିର୍ମାତା ଡ. ବି.ଆର. ଆମ୍ବେଦକରଙ୍କ ମୂର୍ତ୍ତି ସ୍ଥାପନ ପାଇଁ ବ୍ଳକ ପ୍ରଶାସନ ଅନୁମତି ଦେଇଛି।
ଗୋଷ୍ଠୀ ଉନ୍ନୟନ ଅଧିକାରୀ ବଲାଙ୍ଗୀର ଙ୍କ ତା. 01.08.2026 ର ପତ୍ର ନଂ. 3057 ଅନୁସାରେ ଝାଙ୍କର ପାଲି ଗ୍ରାମପଞ୍ଚାୟତ ଅଧିକାରୀ ତଥା ସରପଞ୍ଚ ଙ୍କୁ ନିର୍ଦ୍ଦେଶ ଦିଆଯାଇଛି ଯେ, “ସମ୍ବିଧାନ ଦିବସ” ତଥା ଡ. ଆମ୍ବେଦକରଙ୍କ ଜୟନ୍ତୀ ଅବସରରେ ପଞ୍ଚାୟତ କାର୍ଯ୍ୟାଳୟ ପରିସରରେ ମୂର୍ତ୍ତି ସ୍ଥାପନ ପାଇଁ ପ୍ରସ୍ତାବ ଦିଆଯାଉ। ଏଥିପାଇଁ ସ୍ଥାନୀୟ ଲୋକଙ୍କ ସହଯୋଗ ଓ ଜନସଚେତନତା କାର୍ଯ୍ୟକ୍ରମ ମଧ୍ୟ କରାଯିବ।
ଏହି ପ୍ରସଙ୍ଗରେ ନବସେତୁ ପ୍ରକାଶନ ପକ୍ଷରୁ ମଧ୍ୟ ଜିଲ୍ଲାପାଳ ଓ ଗ୍ରାମ ପଞ୍ଚାୟତ ଅଧିକାରୀ ଓ ସରପଞ୍ଚ ଙ୍କୁ ଚିଠି ଦିଆଯାଇଛି। ନବସେତୁର ସମ୍ପାଦକ ପୁର୍ଣଚନ୍ଦ୍ର ବିଶ୍ୱାଲ ଚିଠିରେ ଉଲ୍ଲେଖ କରିଛନ୍ତି ଯେ ଡ. ଆମ୍ବେଦକରଙ୍କ ମୂର୍ତ୍ତି ସ୍ଥାପନ ଦ୍ୱାରା ସମ୍ବିଧାନର ମୂଲ୍ୟବୋଧ ଓ ସାମାଜିକ ସମାନତା ବିଷୟରେ ଲୋକଙ୍କ ମଧ୍ୟରେ ସଚେତନତା ବୃଦ୍ଧି ପାଇବ। ଏହା ଗ୍ରାମାଞ୍ଚଳରେ ଗଣତନ୍ତ୍ର ଓ ସମ୍ବିଧାନର ଗୁରୁତ୍ୱ ବୁଝାଇବାରେ ସହାୟକ ହେବ।
ପ୍ରଶାସନ ପକ୍ଷରୁ କୁହାଯାଇଛି ଯେ ମୂର୍ତ୍ତି ସ୍ଥାପନ ପାଇଁ ସ୍ଥାନୀୟ ସ୍ୱୟଂସେବୀ ସଂଗଠନ ଓ ଜନପ୍ରତିନିଧିମାନେ ଆଗେଇ ଆସିପାରିବେ।
ମୁଖ୍ୟ କଥା:
- ବଲାଙ୍ଗିର ଜିଲ୍ଲାର ଝାଙ୍କରପାଲି ପଞ୍ଚାୟତ ଅଫିସରେ ଡ. ଆମ୍ବେଦକର ମୂର୍ତ୍ତି ସ୍ଥାପନ ପାଇଁ ପ୍ରଶାସନିକ ନିର୍ଦ୍ଦେଶ।
- ନବସେତୁ ପ୍ରକାଶନ ପକ୍ଷରୁ ଜିଲ୍ଲା ପ୍ରଶାସନକୁ ସମର୍ଥନ ଚିଠି।
- ସମ୍ବିଧାନ ଦିବସ ଓ ଜୟନ୍ତୀକୁ ଆଧାର କରି ସଚେତନତା କାର୍ଯ୍ୟକ୍ରମ।